Idazle gazte baten lehen ipuin-liburua: Liburu desiguala, ipuin batzuk ondo lortuak daude, baina beste batzuk ez dira iristen gutxieneko mailara. Hala ere, etorkizunean kontuan izateko izena.
Idazle gazte baten lehen liburua: Idazle gazte honek… etorkizunerako kontuan hartzeko izena.
Idazle baten bigarren liburua: Bere estreinako lanean sumatzen zitzaizkion dohainak askoz ere nabariagoak dira hemen. Heldutasun handiagoko obra, promesa izateari utzi eta errealitate bilakatzen ari den idazle batena.
Bertsolari baten estreinako lana: Gauza bat bertsolaritza da eta beste bat literatura (ez sartu gure klubean).
Emakume idazle baten lana: Intimitatea eta giza erlazioak adierazteko abilezia nabaria antzematen zaio.
“Tropela”ko idazle baten lana: Injustizia literario bat gehiago. Berriz ere agerian uzten da zeinen jaramon gutxi egin zaion idazle bikain honi.
Lubaki belaunaldiko idazle baten lan berria: Surrealismoa, ametsa, “ortzemuga tatuatua”…
Gustatu ez zaizun liburua: Ez zait iruditu bere lanik onena edo ez dut liburuarekin gehiegi konektatu edo maitasuna, gorrotoa, giza erlazioen muinean dauden sentimentuak zeinari buruz Nietzschek esan zuen…
Gustatu zaizun liburua: Zeinen ondo idatzia dagoen, zeinen euskara ederra edo Bajtin, Barthes, Kristeva, Lukács, Han Robert Jauss, fikzio-paktua, polifonia…
Susak ateratarako poema liburua: Ondo egituratutako lana.
Alberdaniak ateratako liburua: Oso probablea da sariren bat jasotzea hemendik gutxira
Elkarrek ateratako liburu berria: Sail berri bat estreinatzen da liburu honekin
Koldo Izagirreren liburu berria: Engaiamendu handiko lana, manikeoa edo/eta ez da ezer ulertzen.
Bernardo Atxagaren liburu berria (erosketa-zerrenda bilduma): Maisulana.
Jokin Muñozen liburu berria: Euskal gatazka…
Ramon Saizarbitoriaren liburu berria: Nouveau Romanen eragin nabaria, narratzailea…
Anjel Lertxundiren liburu berria: Etika, ongia-gaizkia.
Luistxo Fernandezen liburu berria: Koldo Izagirreren espainolezko liburu hura ekarri dit gogora… edo/eta CodeSyntax GKE
Joseba Sarrionandiaren liburu berria: Erbesteko literatura…
Unai Elorriagaren liburu berria: Sari Nazionala irabazi zuen SP-rako Tranbiarekin…
Itxaro Bordaren liburu berria: Iparraldea… edo/eta ez da ezer ulertzen.
Jon Arretxeren liburu berria: Best-seller moldeko liburu honetan…
Aingeru Epaltzaren liburu berria: Idazle nafarrak…
Joan Mari Irigoienen liburu berria: (ez da kritikarik topatu)
Paddy Rekalderen liburu berria: Bukowski, Bilbo.
J.M Iturralderen liburu berria: Katu kosmikoa magoa ere bada, bai egia da hori!
9 Iruzkin
Maiatza 21, 2008 at 6:07 pm
Liburu baten kritika egin nahi duzula, baina ez dakizula nola? Lasai, klixe batzuk ikasi eta berehala martxan izango zara. Horretarako ezinbesteko gida Beñat Sarasola idazle eta literatur kritikariaren blogean.
Maiatza 22, 2008 at 1:01 am
Karkar… Aizu, Beñat, klixe tipiko-tipiko bat ahaztu diuzu tintontzian:
-Zure iritzia eman nahi baduzu, ez esan inoiz “nik uste dut”. Beti esan behar da “irakurle honek uste du”. Gainera, iritzia negatiboa bada, hobe duzu profilaktikoa jartzea: “nire uste apalean” (edo bestela, “irakurle honen uste apalean”). Hala ere, uste apalaren kontua apur bat demodé gelditu da, orain gehiago eramaten da “nire uste harroan”.
muxuak denoi
Maiatza 22, 2008 at 7:42 am
Bertsolariarenean bigarren atala (beno, onartzen zaitugu… dioten horien kritiketan):
Nabaria da ahozkotasunetik eta bertsoaren teknikatik literaturara egindako ekarpena.
Maiatza 23, 2008 at 8:58 am
Pako Aristiren liburu berria: “Gure gizartearen…”
Iban Zalduaren liburu berria: “Oraindik nobelarik idatzi ez duen arren…”
Ekaina 19, 2008 at 6:09 pm
salonkritik.net/06-07/2008/06/el_critico_como_discjockey_ign.php#more
Abuztua 1, 2008 at 12:41 am
Aizu : zergatik ez duzu erabiltzen ” ez dut ezer ulertzen” ” ez da ezer ulertzen ” lekuan ? Horrela argi eta garbi azalduko zenuke zure ezjakintasuna, politori !!!
Abuztua 1, 2008 at 8:39 am
Ba ez dakit.
Abuztua 1, 2008 at 3:37 pm
Basar a sola : Elhimar mithlek abadan faham ualu.
Abuztua 2, 2008 at 10:40 pm
Beno, barkamena eskatu behar dizut, gaizki ulertua izan eta muturra berotu zitzaidalako. Magrebeko arabieraz idatzitakoa damu dut orain.